Технологон картæ ирон æвзаджы урокмæ 4-æм къласы. Темӕ: "Фӕззӕг ӕмбӕхсын ницы зоны!" Грамматикон темӕ: "Миногонты тасындзӕг"

Урочы нысантӕ

Миногонты тасындзгыл бакусын, рацыд ӕрмӕгыл бӕстондӕр бакусын, аив ӕмӕ интонацион æгъдауæй раст кæсыныл ахуыр кæнын, текстыл кусын сæ ахуыр кæнын.
Сывӕллӕттӕм гуырын кӕнын тырнындзинад зонындзинӕдтӕм. Райгуырӕн бӕстӕмӕ, ӕрдзмӕ гуырын кӕнын уарзондзинад Логикон хъуыдыкӕнынад рӕзын кӕнын.

Урочы хуыз

Ног æрмæг ахуыр кæныны урок.

Урочы ахуырадон фæстиуджытæ

Предметон: предметӕй ног зонындзинӕдтӕ райсын, урокӕй хъæугæ информаци райсын, зонын миногон æвзарын куыд ныхасы хай, миногонты ахадындзинад ныхасы æмæ сæ куыд хъæуы пайда кæнын; текстæй хъæугæ информаци райсын.
Метапредметон: Урочы ахуырадон хæс æмбарын æмæ йæ зæрдыл дарын, хатдзæгтæ кæнын, архайды пълан аразын, фæстиуджытæн рагацау прогноз кæнынмæ арæхсын ,хи хъуыдыты бындурыл иумæйаг хатдзæгтæ кæнын, иннæты хатдзæгтимæ сæ барын.
Удгоймагон: фӕззыгон ӕрдзы рӕсугъддзинадмӕ ӕргом здахын, райгуырӕн бӕстӕмӕ, ӕрдзмӕ гуырын кӕнын уарзондзинад

Ахуыры методтӕ ӕмӕ формӕтӕ

Индивидуалон, фронталон, къордгай куыст

Метапредметон бастдзинӕдтӕ

Литературӕ, музыкӕ, нывкӕнынад, ӕхсӕнадон царды зонындзинӕдтӕ

Техникон фӕрӕзтӕ

Компьютер, мультимедийон проектор

Цӕстуынгӕ ӕрмӕг

Презентаци урокмӕ, презентаци «Фӕззӕг», мелодита, текст «Ӕгас цу, Фӕззӕг!», ӕмбисӕндтӕ, карточката, фӕззӕджы нывтӕ, ӕмбисӕндтӕ.

Урочы эпиграф

Афӕдзы хъару фӕззӕг у. (ӕмб.) (слайд 16)